لاہور۔16مئی (اے پی پی)محکمہ موسمیات موجب آندے 12 گھنٹے اچ ملک دے ٻہوں سارے علاقیں اچ موسم گرم تے رکھا جݙاں جو جنوبی تے وسطی علاقیں اچ ٻہوں گرم رہسی ۔ جݙاں جو بلوچستان دے ضلعیں اچ شام کوں کجھ جہیں تے اندھاری اتے کھمݨ گاج نال مینھ وسݨ دا امکان اے ۔گزریل چووی گھنٹے اچ ملک دے ٻہوں سارے علاقیں اچ موسم گرم تے رکھا رہیا جݙاں جو جنوبی علاقیں اچ ٻہوں گرم رہیا ۔ گزریل ݙینھ ریکارڈ کیتے ڳئے ودھ توں ودھ درجہ حرارت دی رپورٹ موجب ، دادو 47، جیکب آباد 45، سکھر، سبی، روہڑی، موہنجو دڑو، لاڑکانہ، خان پور، خیرپور 44، رحیم یار خان، تربت، شہید بینظیر آباد، مٹھی ڈی جی خان، بہاولپور، بہاولنگر اچ 43ڈگری سینٹی ریکارڈ کیتا ڳئے۔
