اسلام آباد۔10جنوری (اے پی پی) نگران وزیراعظم انوار الحق کاکڑ آکھیا جو ریاست شہیداں دے لواحقین کوں کݙاہیں نہ بھلسی، دہشتگرد جتنی بزدلانہ کارروائیاں کریسن انہاں دے خلاف جنگ اتنی تیز تھیسی۔ دہشت گرد چووی کروڑ لوکاں دی عوام کوں نی ہرا سڳدے۔ بدھ کوں وزیراعظم آفس دے میڈیاونگ توں جاری بیان موجب اے ڳالھیں انہاں آپݨی صدارت نگران وفاقی کابینہ دے اجلاس اچ آکھی۔ اجلاس اچ باجوڑ اچ پولیو ٹیم دی حفاظت تے لڳیے پولیس اہلکاراں تے حملے دی مذمت کیتی ڳئی اتے شہید تھیوݨ آلے پولیس اہلکاراں کیتے فاتحہ خوانی کیتی ڳئی اتے خراج عقیدت پیش کیتا ڳئیا۔ نگران وزیراعظم آکھیا جو ریاست شہیداں دے لواحقین کوں کݙاہیں نہ بھلسی، دہشتگرد جتنی بزدلانہ کارروائیاں کریسن انہاں دے خلاف جنگ اتنی تیز تھیسی۔
