اسلام آباد۔11مئی (اے پی پی):انسانی حقوق کونسل پاکستان دے سیکرٹری جنرل حارث خلیق آکھیے نو آبادیاتی قوانین کوں منسوخ یا انہاں اچ ترمیم دی لوڑھ اے ،جبری گمشدگیاں کوں جرم قرار ݙتا ونڄݨا چاہیدے ۔ اے ڳالھ انہاں دستور پاکستان دی گولڈن جوبلی تے بین الاقوامی پارلیمانی کنونشن توں خطاب کریندے ہوئیں آکھی اے ۔ انہاں آکھیے بغاوت دا قانون اتے سیکرٹ ایکٹ وغیرہ جیہے نوآبادیاتی قوانین کوں منسوخ نی کیتا ویندا تاں ایندے اچ ترمیم تھیوݨی چاہیدی اے ،خواجہ سرا متعلق قانون اچ ترمیم نی تھیوݨی چاہیدی تے جبری گمشدگیاں کوں جرم قرار ݙیوݨا چاہیدے ۔ حارث خلیق آکھیے اساکوں پاکستان دی 4 توں 5 فیصد اقلیتی برادری اچ اضطراب پیدا نی کرݨا چاہیدا ۔
