اسلام آباد۔30نومبر (اے پی پی):سپیکر قومی اسمبلی راجہ پرویز اشرف آکھیے جو پاکستان پیپلز پارٹی ملک اچ عوامی خدمت اتے جمہوریت دے ودھارے دی لازوال داستان اے۔ بدھ کوں پاکستان پیپلز پارٹی دے 55 ویں یوم تاسیس دے موقع تے انہاں آپݨے پیغام اچ آکھیے جو ملک اچ جمہوریت دے ودھارے کیتے پاکستان پیپلز پارٹی لازوال قربانیاں پیش کیتن ،پاکستان پیپلز پارٹی ہمیشہ عوام دیاں امنگاں دی ترجمانی کیتی اے تے عوامی خدمت کوں ہمیشہ مقدم رکھیے ،قائد عوام شہید ذوالفقار علی بھٹو پاکستان پیپلز پارٹی دی بنیاد رکھی ہئی۔ انہاں آکھیے جو قائد عوام اوعظیم رہنما ہن جنہاں سقوط ڈھاکہ دے بعد ملک کوں ول اپݨے پیراں تے کھڑا کرݨ کیتے اہم کردار ادا کیتا ،پاکستان پیپلز پارٹی شہید ذوالفقار علی بھٹو دی قیادت اچ پاکستان کوں 1973ء دے آئین دی صورت اچ مکمل دستور ݙتا ، پیپلز پارٹی 18 آئینی ترمیم دے ذریعے آئین دی اصل روح دے مطابق بحال کیتا تے صوبیں کوں اختیارات ݙتے ۔پاکستان پیپلز پارٹی ملک کوں ایٹمی طاقت بماوݨ دی بنیاد رکھی۔ پاکستان پیپلز پارٹی آپݨے ترائی ادوار اچ بے مثال حکومت کیتی۔قائد عوام شہید ذوالفقار علی بھٹو دی شہادت دے بعد محترمہ نصرت بھٹو اتے محترمہ بےنظیر بھٹو شہید دی قیادت اچ آپݨی جدو جہد جاری رکھی ،محترمہ بےنظیر بھٹو شہید دی پاکستان اچ جمہوریت دی بحالی کیتے ݙتیاں ڳیاں قربانیاں ہمیشہ سنہری حروف نال لکھیاں ویسن ۔
