اسلام آباد۔22جولائی (اے پی پی) نائب وزیراعظم اتے وزیر خارجہ سینیٹر محمد اسحاق ڈار سلطنت اومان دے وزیر خارجہ سید بدر بن حمد بن حمود البوسیدی نال ٹیلی فون تے ڳالھ مہاڑ کیتی۔ سنوار کوں ترجمان دفترخارجہ توں جاری بیان موجب انہاں مسقط دی وادی کبیر اچ امام بارگاہ علی بن ابو طالب تے تھیوݨ آلے اڄوکے دہشت گردانہ حملے تے ڳالھ کیتی اتے ہرقسم دی دہشت گردی نال نبڑݨ کیتے سانجھی کاروائی دی اہمیت تے زور ݙتا۔ انہاں دہشت گردی نال نبڑݨ کیتے اومان دی کوششاں اچ پاکستان دی حمایت دا اعلان کیتا۔ انہاں میتاں دی پاکستانی واپسی اتے اومان دے ہسپتالاں اچ زخمیاں بشمول پاکستانی شہریاں دی ݙیکھ بھال اچ اومن دے تعاون دی تعریف کیتی۔ نائب وزیر اعظم اتے وزیر خارجہ ایں ہفتے دے چھیکڑ اچ اومانی سرمایہ کاراں دے ہک وفد دے پاکستان آوݨ دا خیر مقدم کیتا۔ ݙوہیں رہنماواں آپسی دلچسپی دے علاقائی اتے بین الاقوامی معاملیاں تے وی ڳالھ کیتی۔
