اقوام متحدہ۔5جنوری (اے پی پی):اقوام متحدہ اچ پاکستان دے مستقل مندوب منیر اکرم آکھیے جو پاکستان اوں ویلھے تئیں آرام نال نہ ٻہسی جݙاں تئیں کشمیری عوام کوں اقوام متحدہ دی سلامتی کونسل دیاں قرارداداں دے مطابق استصواب رائے دے ذریعے اقوام متحدہ دے وعدے دے مطابق انہاں دا ناقابل تنسیخ حق ، حق خودارادیت نی مل ویندا ۔ انہاں نیویارک اچ کشمیریاں دے یوم حق خود ارادیت دے موقع تے آپݨے پیغام اچ آکھیے جو 5جنوری 1949دا ݙینھ کشمیریاں دی جدوجہد آزادی اچ ٻہوں اہمیت رکھیندے ۔ انہاں آکھیے ایں ݙینھ اقوام متحدہ دے کمیشن بھارت تے پاکستان ( یو این سی آئی پی)دے درمیان قرارداد متفقہ طور تے منظور کیتی ڳئی جیں اچ اقوام متحدہ دی زیر نگرانی رائے شماری دے ذریعے کشمیریاں کوں آپݨے مستقبل دافیصلہ خود کرم دا موقع ݙیوں دے حق کوں منیا ڳیا ہئی۔ 5جنوری 1949کوں منظور کیتی ڳئی قرارداد جھیڑا کشمیر دے منصفانہ حل دی بنیاد فراہم کریندی اے ۔ انہاں افسوس دا اظہار کریندے ہوئیں آکھیے جو بھارت 5 جنوری 1949 کوں کیتے ڳئے آپݨے وعدیں توں پچھوں ہٹدے ہوئیں آپݨی بین الاقوامی ذمہ واریاں پوریاں نی کیتیاں تے گزریل 7ݙھاکیں توں ڄاݨ بڄھ تے بین الاقوامی قوانین دی خلاف ورزی جاری رکھیاں ہوئیاں ہن ۔
