اسلام آباد۔9دسمبر (اے پی پی) وزیرِ اعظم محمد شہباز شریف کولاچی،ڈیرہ اسماعیل خان اچ فتنہ الخوارج دے خلاف کامیاب آپریشن تے سکیورٹی فورسز دے افسراں تے اہلکاراں دی تعریف کریندیں ہوئیں آکھیا جو دہشت گردی کوں منݙھوں پٹݨ تئیں ایندے خلاف جنگ جاری رکھیسوں۔ سنوار کوں وزیراعظم پریس ونگ توں جاری بیان موجب وزیراعظم آپریشن اچ ݙوخارجیاں کوں جنہم واصل کرݨ اتے ہک کوں گرفتار کرݨ تے سکیورٹی فورسز دے افسراں تے نینگراں دی تعریف کیتی۔ انہاں آکھیا جو سکیورٹی فورسز دے قابل فخر افسر تے اہلکار وطن کوں دشمناں توں پاک کرݨ کیتے مصروف ہن۔ انہاں آکھیا جو میں سودھی پوری قوم دہشت گردی دی ایں جنگ اچ سکیورٹی فورسز نال کھڑی اے۔
