اسلام آباد۔23فروری (اے پی پی) سپیکر قومی اسمبلی راجہ پرویز اشرف اسرائیلی فوج دی فائرنگ نال 11 نہتے فلسطینیاں کوں شہید کرݨ دی مذمت کیتی اے۔ خمیس کوں اپݨے مذمبی بیان اچ انہاں آکھیا جو اسرائیلی فوج دی جارحیت نال 11 نہتے فلسطینیاں دی شہادت اتے 102 بندیاں دے زخمی تھیوݨ دی جتنی مذمت کیتی ونڄے ڳھٹ اے، نہتے فلسطینیاں تے اسرائیلی فوج دا ظلم بین الاقوامی قانون دی سنگین خلاف ورزی اے۔ انسانی حقوق دی تنظیماں کوں فلسطین اچ نہتے فلسطینیاں تے اسرائیلی فوج دی جارحیت دا نوٹس ڳھݨا چاہیدے۔ پاکستان دی پارلیمان اتے عوام فلسطینی عوام نال یکجہتی کریندن۔ انہاں شہیداں دے درجات دی بلندی ، زخمیاں دی جلدی صحت یابی دی دعا کیتی۔
