اسلام آباد۔12جون (اے پی پی) صدر مملکت ڈاکٹر عارف علوی دا ملک دے مختلف حصیاں اچ جنگلاں اچ ٻھاہ لگݨ دے ودھدے ہوئے واقعیاں تے تشویش کریندیں ہوئیں آکھیا جو ایجھے واقعیاں نال قوم کوں ٻہوں ودھ مالی نقصان تھندا پئے۔ ایجھے واقعیاں نال نباتات، حیوانات اتے عوام دی جان تے مال کوں خطرات ہن۔ اتوار کوں جاری بیان اچ انہاں آکھیا جو جنگلاں اچ ٻھاہ لڳݨ دے واقعے موسمیاتی تبدیلی تے اوندے منفی اثرات کوں ٻیا ودھیندے پئن۔ جنگلاں اچ ٻھاہ لڳݨ دے ودھ واقعیاں کوں روکیا ونڄ سڳدے۔ 85 فیصد واقعیاں دی وجہ کیمپ فائر، ٻھاہ کوں صحیح طرح نہ وسماوݨ، آلات خراب ہووݨ، سگریٹ، اتے ڄاݨ ٻجھ تے بھاہ لاوݨ اے۔ سارے اسٹیک ہولڈرز دے تعاون کوں یقینی ٻݨا تے انہاں واقعیاں کوں روکݨ تے توجہ ݙتی ونڄے۔
