اسلام آباد۔29مئی (اے پی پی):وزیراعظم محمد شہبازشریف اقوام متحدہ دی امن سپاہ دے جگ ݙیھاڑ تے پاکستانی امن دستیں دیاں کاوشاں اتے قربانیاں کوں خراج تحسین پیش کریندے ہوئیں آکھیے جو عالمی امن دا قابل فخر فرض نبھاوݨ آلے اقوام متحدہ دے امن دستیں کوں سلام پیش کریندوں ، اقوام متحدہ دی امن کارروائیاں اچ ساریں توں ودھ 2 لکھ دستے ݙیوݨ پاکستان دی امن دوستی اتے امن پسندی دا مظہر اے۔ اتوار کوں اقوام متحدہ دی امن سپاہ دے جگ ݙیھاڑ دے موقع تے آپݨے سیریز آف ٹویٹ اچ وزیر اعظم محمد شہباز شریف آکھیے جو پاکستانی امن سپاہ دیاں قربانیاں تے کاوشاں دا موجودہ سیکرٹری جنرل سودھے اقوام متحدہ دے ادارے اتے عالمی سطح تے اعتراف اعزاز اے، 1960 توں 2022 تئیں پاکستانی امن دستیں اچ شامل افسراں اتے نینگراں قابل فخر اتے مثالی کردار ادا کیتے ۔ انہاں آکھیے جو قوم دے پتر تے دھیریں پوری دنیا اچ قیام امن، انسانی خدمت اتے مثالی پیشہ وارانہ صلاحیتاں دا مظاہرہ کیتے۔ وزیراعظم آکھیے امن کارروائیاں دے دوران پاکستان دے169 پتراں شہادت دا عظیم مرتبہ پاتے ،اساں شہداکوں سلام پیش کریندوں ، امن کارروائیاں کیتے مسلح افواج، رینجرز، ایف سی اتے پولیس دی خدمات کوں خراج تحسین پیش کریندوں۔
