اسلام آباد ۔ 11 دسمبر (اے پی پی) دكورنيو چارو وفاقي وزير احسن اقبال وئيلي دي تخلیق او جدت د پرمختګ بنيادي محركات دي او كوم هېواد دا نظر انداز كولې نشي۔ ده دا خبره د ګل په ورځ د لوړو زده كړو كمېسيون (اېچ اي سي) آډېټوريم نړيوال كلن ټرانس يورو اېشيا انفارمېشن نېټ ورك وركشاپ ته خطاب كښې وكړه۔ دا وركشاپ به د روانې مياشتې 11 څخه تر 15 دسمبر دوام لري چې مقصد ئې د نېټ ورك انجينئر او نېټ ورك سېكورټي سټاف صلاحيت زياتول دي۔ په وركشاپ كښې د بنګله دېش ٬ نيپال او سري لنكا وګړي ګډون كوي۔ داخله وزير ووئيل مونږ د مقابلې په دنيا كښې ژوند كوؤ او د جدت په لړ كښې جدي چېلنجونو سره مخ يوو۔ احسن اقبال څوك چې د پرمختګ ٬ منصوبه بندۍ او اصلاحات وزير هم دے خپل خطاب كښې ووئيل دا د جدت پېړۍ ده او يوازې هغه قامونه پرمختګ كوي كومو چی ځان د علم او ټېكنالوجۍ په وسله سنګاروې۔ ده ووئيل د پرمختګ معيار بدل شوے او اوس د كوم هېواد پرمختګ يو څو څيزونو سره تړلې۔ مونږ له به خپل پېداواري صلاحيت زياتول او خپل معيار پرله پسې ښه كول وي۔ مونږ له به د علم او انفارمېشن انقلاب معرفي كول وي او دې سره سره ټولو څانګو كښې به جدت هم معارفي كول وي۔ وفاقي وزير ووئيل پاكستان د نړۍ 10 د سر اقتصادياتو كښې د شاملېدو صلاحيت لري او لپاره مونږ د نوې ټېكنالوجۍ په اړه تحقيق ته خاص پاملرنه كوو۔ ده وويئل د تھری او فورجی ټېکنالوجۍ كاميابې اجراﺀ څخه وروستو حكومت ډېر زر هېواد كښې د فائيو جي سروسز تجربې كولو منصوبه لري۔ ده ووئيل د ډيجيټل پاکستان مقصد زلمي كول ته د نوې ټېكنالوجۍ اسانۍ وركول دي دغسې چې دا په موثره توګه وكارولې شي۔ د تھری او فورجی له امله پاکستان څلورم تر ټولو لوئے فری لانسنګك هېواد جوړ شوے۔ ده ووئيل يو شمېر نورو هېوادونو د سي پېك برخه جوړېدو كښې خپله خوښي څرګنده ی او دا د بدلون لوي علامت دے۔ د اېچ اي سي چيئرمېن ډاكټر مختار احمد خپل خطاب كښې د تعميري سائنس ودې په حاجت زور راوړو كوم چې انسانيت له د خېر ښېګړې سوب ګرځي۔ ده ووئيل مونږ له به د انسانانو خېر ښېګړې له په ګډه كار كول وي۔ ده د اېچ اي سي بجټ په تېرو څو كلونو كښې يو په دوه كولو او په لوړو زده كړو كښې د يو شمېر غوره پروژو په پېل كولو د حكومت ستائنه وكړه۔ په دې مهال داخله وزير د اېچ ای سی د ایونټس رجسټرېشن پورټل پرانسته هم وكړه دغسې چې د بېلو ايونټس په اړه تازه معلومات ترلاسه وي
