اسلام آباد 08 نومبر(اے پي پي) افغان اولس مشر محمد اشرف غني د وزيراعظم شاهد خاقان عباسي سره ټېلېفوني خبرو كښې د افغان حكومت او اولس لخوا جلال آباد كښې د پاكستاني قونصلګرۍ سفارتي اهلكار په وژنه د غم دړد څرګندونه كړې ده ۔ د شورؤ په ورځ د جاري كړې بيان ترمخه وزیراعظم شاهد خاقان عباسی افغان اولس مشر ته ووئيل د پاكستان اولس جلال آباد كښې د پاكستاني سفارتكار په وژنه ډېر خفه دے۔ په تعزيت كولو د افغان اولس مشر مننه كولو سره وزیراعظم ووئيل پاكستان هيله لري چې افغان حكومت به دې ناوړه كار كښې د ككړو كسانو نيولو او زر تر زره انصاف سره مخامخ كولو له زر ترزره ګامونه پورته كړي۔ وزیراعظم د دې ناوړه عمل په شا قواؤ رامخې ته كولو لپاره د افغان دولت لخوا د بشپړه پلټنو په ضرورت ټېنګار وكړٶ۔ وزیراعظم د دواړو هېوادونو ترمېنځه همكارۍ او د مرستې ودې لپاره په سباٶن كښې د رابطو په ضرورت زور رواړو۔ ده ووئيل په دې حقائقو پوهېږو چې دا مهمه ده چې زمونږ د دواړو دولتونو او دوست هېوادونو ترمېنځه اړيكو لپاره ښه چاپېريال لپاره اجتماعي هلې ځلې كول پكار دي وزیراعظم د دې ناوړه پېښې تورن نيولو لپاره د افغان دولت تر اوسه د پورته كړو ګامونو ستائنه وكړه او افغان اولس مشر ته ئې ووئيل افغانستان كښې سفارتكارو او سفارتي حدونو پشمول زمونږ د وګړو امنيت ټينګ كړئ۔ افغان جمهور رېئس باور وركړٶ افغانستان په دې پېښه كښې ككړ تورن انصاف سره مخ كولو لپاره به بشپړه پلټنې كوي او په افغانستان كښې كار كوٶنكو پاكستاني سفارتكار او د وګړو تحفظ او امنيت باوري كولو لپاره به ټول ممكنه اقدمات كوي۔
