اسلام آباد 03 نومبر ﴿اے پي پي﴾ د كېډ دوهم وزير ډاكټر طارق فضل چوهدري وئيلي دي چې په اسلام آباد كښې په كوئله چلېدونكي د كوم پاور پلانټ په پروژه غور نه كېږي۔ د جمعې په ورځ د سېنېټ په غونډه كښې د پوښتنو دمې په مهال د سناتور طاهر حسېن مشهدي د پوښتنې په ځواب كښې د كېډ دوهم وزير ووئيل چې د سي ډي اے پخواني چيئرمېن لخوا په اسلام آباد كښې په كوئله د چلېدونكي پاور پلانټ پلان تيار كړے شوے و چې ټول پېداواري صلاحيت به ئې 2100 مېګاواټه و٬ خو بيا معلومه شوه چې د اسلام آباد سيمه دې ډول پلانټ لپاره ښه نه ده د ماحولياتي ناولتيا پېدا كېدو اندېښنه وه ځكه سي ډي اے دا پلان پرېښودو
