اسلام آباد 16 اکتوبر (اے پی پی) پاکستان كښې مېشته د رغیر رجسټرډ افغان كډوالو د رجسټرېشن عمل روان دې تر اوسه د 2 لکھ 8 زره 123 افغان كډوالو رجسټرېشن شوې دې۔ د سیفران وزارت چارواكو له مخې پاکستان كښې د مېشته غیر رجسټرډ افغان كډوالو د رجسټرېشن پروګرام د نادرا په مرسته په اګست میاشت كښې پيل شوې ؤ۔ د پروګرام له مخې ټول هېواد كښې نادرا د غیر رجسټرډ افغان كډوالو رجسټرېشن له 22 مرکزونه جوړ كړې دي۔ چارواكو له مخې د غیر رجسټرډ افغان كډوالو رجسټرېشن په موقع د پاکستان او افغانستان د سفارتخانې چارواكي هم موجود وي كوم چې د خپلو وګړو شناخت کولو سره د رجسټرېشن عمل كښې برخه اخلي۔ چارواكو له مخې تر اوسه 51 زره 355 كورنۍ رجسټرډ کړې شوي د كومې مجموعی شميره چې 2 لکھ 8 زره 123 ده۔ چارواكو له مخې د غیر رجسټرډ افغان كډوالو د رجسټرېشن عمل به د روان كال تر 31 دسمبر روان وي۔
