اسلام آباد-18 سيپٽمبر (اي پي پي) ايندڙ 24 ڪلاڪن دوران ملڪ جي اڪثر علائقن ۾ موسم گرم ۽ خشڪ رهڻ جو امڪان آهي، جڏهن ته اتر اوڀر پنجاب ۽ ڪشمير ۾ ڪجهه هنڌن تي تيز هوائن/ جهڪ هلڻ ۽ گجگوڙ سان برسات جو امڪان آهي. موسميات کاتي مطابق گذريل 24 ڪلاڪن دوران ملڪ جي اڪثر علائقن ۾ موسم گرم ۽ خشڪ رهي جڏهن ته راولاڪوٽ ۽ ڪالام ۾ هڪ ملي ميٽر برسات رڪارڊ ڪئي وئي. اربع ڏينهن رڪارڊ ڪيل وڌ ۾ وڌ گرمي پد نوڪنڊي، سبي ۾ 42 ۽ ڀکر ۾ 41 ڊگري سينٽي گريڊ رڪارڊ ڪيو ويو.
