اسلام آباد – 12 – سيپٽمبر (اي پي پي) وزيراعظم محمد شهباز شريف سان اڳوڻي وزيراعظم ۽ سينيٽر سيد يوسف رضا گيلاني اسلام آباد ۾ ملاقات ڪئي. وزيراعظم آفيس جي ميڊيا ونگ پاران جاري بيان موجب ملاقات ۾ اقتصادي معاملن وارو وفاقي وزير سردار اياز صادق ۽ قانون وارو وفاقي وزير سينيٽر اعظم نذير تارڙ به موجود هئا. ملاقات دوران ملڪ جي مجموعي صورتحال ۽ ٻوڏ متاثرين جي ريسڪيو، ريليف ۽ بحالي جي لاءِ حڪومتي قدمن تي ڳالهه ٻولهه ڪئي وئي.
