لاہور۔30اگست(اے پی پی)ترجمان پراونشل ڈیزاسٹر مینجمنٹ اتھارٹی پنجاب آکھیے دریائے ستلج دی چھل گھٹ تھیندی پئی اے ۔اتھارٹی دے ترجمان آپݨے بیان اچ آکھیے گنڈا سنگھ آلا، ہیڈ سلیمانکی، ہیڈ اسلام اتے میلسی سائفن دی جاہ تے درمیانے درجے دی چھل اے ، گنڈا سنگھ آلا دی جاہ تے 89 ہزار 60 کیوسک پاݨی وہندا پئے ، ہیڈ سلیمانکی تے پاݨی 95 ہزار 196 کیوسک تے اخراج 81 ہزار 366 کیوسک اے، جݙاں جو ہیڈ اسلام 82 ہزار 916 کیوسک پاݨی وہندا پئے ۔ ترجمان مزید آکھیے پنجاب دے ٻئے دریاواں اچ پاݨی نارمل وہندا پئے چھل توں متاثرہ علاقیں اچ امدادی سرگرمیاں جاری ہن ۔ مینھ دے حوالے نال ساوݨ دا مینھ 2 توں 5 ستمبر تئیں جاری رہݨ دا امکان اے ۔
