اسلام آباد۔31مارچ(اے پی پی) قومی اسمبلی کوں ݙسایا ڳئے جو ریلوے کوں پیراں تے کھڑا کرݨ کیتے حکومت کم کریندی پئی اے ، حیدرآباد کیرج اتے لوکوموٹیو فیکٹریز دی بحالی کیتے وی اقدامات جاری ہن ، گرین لائن سروس دے چنڳے نتیجے سامݨے آئن ۔ قومی اسمبلی دے اجلاس اچ سوالاں دے وقفے اچ صلاح الدین دے سوال دے ولدے اچ پارلیمانی سیکرٹری کرن عمران ڈار آکھیے ریلوے کوں پیراں تے کھڑا کرݨ کیتے حکومت کم کریندی پئی اے ، انہاں آکھیے ریلوے اچ غیرمعیاری کھاݨا ݙیوݨ تے 50 ہزار تئیں جرمانہ کیتا ویندے ، اے ٹھیکہ کمپنیاں کوں ݙوسال کیتے ݙتا ویندے ۔ نزہت پٹھان دے سوال دے جواب اچ کرن عمران ڈار آکھیے کھاݨے تے سہولتاں دے معیار کوں ریلوے اچ بہتر بݨایا ویندا پئے ۔ انہاں آکھیے گرین لائن ٹرین سروس دے متوازی بساں چلاوݨ دی وزیر ریلوے ہدایت کیتی اے۔
