اسلام آباد۔12مئی (اے پی پی) وزیرداخلہ رانا ثناءاللہ خاں آکھیا جو معیشت دے قاتل اڄ مظلوم بݨݨ دا ناٹک کریندے پئن، صرف معیشت نی کوڑ دی سیاست کوں وی ٹھیک کریسوں۔ سابق وزیر داخلہ شیخ رشید احمد دے بیان دے ولدے اچ آکھیا جو ملک اچ ݙو کوڑے ہن، ہک عمران خان اتے ہک پنڈی دا شیطان، آئی ایم ایف نال معاہدہ عمران خان کیتا۔ انہاں آکھیا جو جئیں قوم کوں ایں حالت اچ پڄائے اوندی مذمت کرݨی چہیدی اے۔ ڈالر کوں بے لگام کرݨ دا ذمہ وار عمران خان اے۔ عمران خان دے ارسطو کوں پکڑو جیڑھا معیشت کوں لفٹ تے اُتے ڳھن تے ویندیں ہوئیں موت دے ٻنے تے ڳھن ڳئے۔
