اسلام آباد۔30اگست (اے پی پی):وفاقی وزیر اطلاعات و نشریات چوہدری فواد حسین آکھیے جو شہباز شریف لکھاں لوکاں دا اسلام آباد اچ اجتماع کرݨ دی بجائے اپݨے بھرا کوں برطانیہ توں وطن واپس سݙن ۔جیویں او عالمی طاقتاں دی خوشنودی حاصل کرݨ چاہندن او باعث شرم اے،پوری دنیا دی توجہ ایں ویلھے افغانستان تے ہے جݙاں جو مسلم لیگ ن ایں بارے ھک لفظ نی آکھیا ۔اے ڳال انہاں سنوار کوں شہباز شریف دی پریس کانفرنس تے ردعمل ݙیندے ہوئیں آکھی اے ۔انہاں آکھیے جو اڄ سویلے شہباز شریف قائد اعظم محمد علی جناح دے مزار تے مضحکہ خیز پریس کانفرنس کیتی ،انہاں کوں مشور ہے جے ہنسی مذاق دے موڈ اچ ہوون تاں ایجھی جاہ نہ ونڄن بلکہ اپݨی رہائش گاہ تے ایجھی پریس کانفرنس کرن۔چوہدری فواد حسین آکھیے او لکھاں لوکاں دا اسلام آباد اچ اجتماع کرݨ دی بجائے اپݨے بھرا کوں برطانیہ توں وطن واپس سݙن ،شہباز شریف دے بھرا وطن واپس آتے آپݨے خلاف مقدمات دا سامݨا کرن،انہاں آپݨے نواسے دی شادی تے ھک ملین ڈالر خرچ کیتن تے رات کوں شہباز شریف اتے نوازشریف پاکستانی عوام کیتے مہنگائی تے ٹسوے وہائے،ایندے توں ثابت تھیندے جو او پاکستان دے مسئلیں بارے سنجیدہ کائنی ۔
