اسلام آباد – 14 سيپٽمبر (اي پي پي) وزيراعظم عمران خان چيو آهي ته اسان جي حڪومت عام ماڻهو جي لاءِ آسانيون پيدا ڪندڙ حڪومت هوندي، اسان کي ڪچي آبادين جي بدران قبضا گروپن تي هٿ وجهڻو آهي، وزيراعظم هائوس سميت 15 سرڪاري جائيدادن کي سرڪاري طور تي استعمال نه ڪرڻ سان ساليانو 1100 ڪروڙ روپين جي بچت ٿيندي، مري ۽ نٿياگلي جي گورنر هائوسز کي بهترين هوٽلن ۾ تبديل ڪيو ويندو، وزيراعظم هائوس ۾ اعليٰ معيار جي يونيورسٽي بڻجندي، صرف ڪراچي جي ريلوي جي ايراضي تي قبضو ختم ڪرائي ان کي وڪرو ڪيو وڃي ته ان مان ريلوي جو خسارو ختم ٿي سگهي ٿو، ريلوي جي شعبي ۾ چين جي تجربن مان فائدو کڻنداسين، نومبر ۾ چين جو دورو ڪندس، هو وزيراعظم هائوس ۾ راولپنڊي ايڪسپريس ۽ ميانوالي ريل ڪار جي افتتاح کانپوءِ خطاب ڪري رهيو، تقريب کي ريلوي واري وفاقي وزير شيخ رشيد احمد به خطاب ڪيو.
