اسلام آباد۔20فروری(اے پی پی):صدر مملکت ڈاکٹرعارف علوی آکھیے جو پوری قوم کووڈ۔ 19 دی وبا دے دوران اپݨی اجتماعی کوششاں توں دنیا اچ ھک مثال بݨائی اے، ایویں اتحاد دا مظاہرہ تعلیم ،صحت اتے اقتصادی شعبے دے مسئلیں نال نبݨݨ سانڳے ناگزیراے ۔او راولپنڈی چیمبر آف کامرس اینڈ انڈسٹری (آر سی سی آئی) دے اہتمام نال نیشنل ہیلتھ سمٹ توں خطاب کریندے پئے ہن ۔ صدرمملکت آکھیے کووڈ۔ 19 دی وبا دے دوران جݙاں دنیا اچ اے وبا کھنڈی پئی ہئی ، پاکستان ایں توں بچݨ سانڳے دنیا دا تریجھا بہترین کارکردگی دا مظاہرہ کرݨ آلا ملک بݨ تے ابھریے ۔اے سارا کجھ لوکاں تے سارے سٹیک ہولڈرزدی اجتماعی کوششاں اتے تعاون دی وجہ توں ممکن تھئے جنہاں وبائی مرض دے کھنڈݨ کوں روکݨ دیاں کوششاں اچ اتحاد دا مظاہرہ کیتے۔انہاں آکھیے کامیابی مستقبل سانڳے ھک رستہ تیار کیتے جیڑھاجو عصری چیلنجز تے قابو پاوݨ سانڳے ساݙی کوششاں اچ ساݙی رہنمائی کرسڳدے ۔جسمانی صفائی دی اہمیت تے روشنی پیندے ہوئیں صدر آکھیے اسلامی تعلیمات توں اے ثابت تھئے جو ذاتی حفظان صحت دا تعلق روحانی پاکیزگی توں اے ۔انہاں آکھیے جے لوک احتیاطی عادات بشمول ݙنداں کوں باقاعدگی نال برش کرݨ دی عادت پاون تاں ݙنداں دے تقریباً 90 فیصد بیماریاں ٹھیک تھی سڳدن ۔صدر مملکت سارے سٹیک ہولڈرزتے کاروباری برادری تے زور ݙتے جو او ذہنی تناؤ اتے آبادی اچ ودھارے سودھے صحت متعلق مسئلیں بارے عوام اچ آگاہی پیدا کرݨ اچ آپݨا کردار نبھاون ۔
