اسلام آباد۔13دسمبر(اے پی پی) صدر مملکت ڈاکٹر عارف علوی آکھیے جو پاکستان تے قزاخستان دے درمیان مشترکہ ورثے اتے سماجی، ثقافتی تے مذہبی اقدارتے استوار بھرپی آلے تعلقات کوں تجارت، سرمایہ کاری اتے اقتصادی تعلقات اچ بدلݨ دی لوڑھ اے ۔ ݙوطرفہ تجارتی تعلقات کوں متنوع بݨاوݨ ، زراعت، آئی ٹی سودھے مختلف شعبیں اچ مشترکہ منصوبیں دے وسیع امکانات موجود ہن۔ اے ڳالھ انہاں منڳل کوں قزاخستان دی پارلیمنٹ دی مجلس (ایوانِ زیریں ) دے چیئرمین دی قیادت اچ پارلیمانی وفد نال ملاقات اچ آکھی اے ۔ ملاقات اچ سپیکر قومی اسمبلی راجہ پرویز اشرف، پاکستان اچ قزاخستان دے سفیر تے اعلیٰ حکام وی موجود ہن ۔ صدر مملکت آکھیے ݙوہیں ملکاں وچال موجود ہ تجارتی حجم کوں ودھاوݨ دی لوڑھ اے ۔ صدر مملکت آکھیے سڑکاں تے ریلوے نیٹ ورکس تے سمندر دے ذریعے نویں رابطے قائم کرݨ ، موجودہ رابطے کوں بہتر بݨاوݨاں ہوسی ، قزاخستان تے ٻئے وسطی ایشیائی ملکاں دی طرفوں کراچی اتے گوادر دے ذریعے تجارت پاکستان دی “وژن سینٹرل ایشیا” پالیسی دا اہم عنصر اے۔ انہاں امید ظاہر کیتی جو افغانستان اچ مکمل قیام امن نال قزاخستان تے پاکستان دے درمیان تجارت تے سرمایہ کاری کوں تقویت ملسی ، امید اے جو افغانستان دی موجودہ قیادت افغانستان اچ پائیدار امن دے قیام اچ کامیاب تھیسی ۔ عالمی برادری بے گناہ کشمیریاں دے خلاف بھارتی سکیورٹی فورسز دی طرفوں مسلسل کیتے ونڄݨ آلے ظلم دا سختی نال نوٹس گھنے، عالمی برادری اقلیتاں بالخصوص مسلماناں کوں ، ہراساں کرݨ، تشدد ، اتے ݙراوݨ دھمکاوݨ تے انہاں دی عبادت گاہواں دی بے حرمتی دا وی نوٹس گھنے ۔ قزاخستان دی پارلیمنٹ دی مجلس دے چیئرمین صدر مملکت کوں قزاخستان دے پارلیمانی وفد دے دورہ پاکستان دے اغراض و مقاصد بارے ݙسایا ۔ انہاں آکھیے دورے نال ݙوہیں پارلیماناں وچال رابطے مزید بہتر بݨاوݨ تے عوامی رابطے اچ ودھارا تھیسی ، وفد ݙوطرفہ تجارت اتے سرمایہ کاری دے تعلقات کوں مزید بہتر بݨاوݨ دے رستے تے شعبیں دی نشاندہی کریسی ۔
