اسلام آباد۔11اکتوبر(اے پی پی) نگران وفاقی وزیرخزانہ، محصولات واقتصادی امور ڈاکٹر شمشاد اختر آکھیے اسلامی ترقیاتی بینک پاکستان دا اہم ترقیاتی شراکت دار اے۔ انہاں اے ڳالھ ٻدھ کوں مراکش اچ بین الاقوامی مالیاتی فنڈ اتے عالمی بینک دے سالانہ اجلاساں سے موقع تے اسلامی ترقیاتی بینک دے صدر محمد سلیمان الجاسر نال ملاقات اچ آکھی اے ۔ ملاقات اچ اقتصادی تعاون تے ترقیاتی اقدامات متعلق امور تے ڳالھ مہاڑ تھئی۔ فریقین اقتصادی و مالیاتی تعلقات ودھاوݨ تے اقتصادی نمو کیتے رل تے کم کرݨ دی اہمیت اتفاق کیتے ۔ وزیر خزانہ آکھیے اسلامی ترقیاتی بینک پاکستان دا کلیدی ترقیاتی شراکت دار اے اتے ملک دی اقتصادی اتے سماجی ترقی اچ اسلامی ترقیاتی بینک اہم کردار اداکریندا پئے ۔ واضح رہے جو وزیرخزانہ عالمی بینک اتے بین الاقوامی مالیاتی فنڈ دے سالانہ اجلاساں اچ شرکت کیتے مراکش اچ سرکاری دورے تے ہن ۔
