اسلام آباد۔24ستمبر (اے پی پی):وزیراعظم دے مشیر سیاسی و عوامی امور اتے قومی ورثہ و ثقافت انجینئر امیر مقام اقوام متحدہ دی جنرل اسمبلی دے 77ویں اجلاس اچ وزیراعظم شہباز شریف دی تقریر دی تعریف کیتی ، اڄ دنیا کوں پیش آندے سارے اہم مسئلیں کوں چاوݨ تے وزیراعظم دی تعریف کیتی جنہاں اچ غربت، مسئلہ کشمیر، اسلامو فوبیا، فلسطین، موسمیاتی تبدیلی تے سیلاب دی مشکلات تے امدادی سرگرمیاں شامل ہن ، ہفتے کوں آپݨے ھک بیان اچ انہاں آکھیے جو وزیر اعظم شہباز شریف بھارت دے غیر قانونی طور تے زیر تسلط جموں و کشمیر دے عوام دا مقدمہ اعلیٰ ترین بین الاقوامی فورم تے پیش کیتے ، وزیراعظم قابل عمل، خودمختار فلسطینی ریاست کوں منݨ دا مطالبہ کیتے وزیر اعظم “اسلام فوبیا” تے وی آواز چاتی اے ایں کوں ھک عالمی رجحان قرار ݙتے، انہاں آکھیے وزیر اعظم اے وی آکھیے جو نائن الیون دے بعد مسلماناں بارے شکوک و شبہات تے ݙر انہاں نال امتیازی سلوک وبائی شکل اختیار کر ڳئے انہاں آکھیے جو وزیراعظم عالمی رہنماواں کوں ویک اپ کال وی کیتی اے کیوں جو پاکستان موسمیاتی ناانصافی، گلوبل وارمنگ دی ݙوڑی قیمت ادا کریندا پئے انہاں آکھیے جو وزیراعظم اے وی آکھیے جو ھک پرامن، خوشحال اتے منسلک افغانستان ساݙے اجتماعی مفاد وچ اے ھک ہمسائے دے طور تے پاکستان دا افغانستان اچ امن تے استحکام اچ ھک اہم حصہ اے۔
