ملتان ۔25مئی (اے پی پی):قائمقام صدر سید یوسف رضا گیلانی آندے بجٹ کوں عوام دوست بݨاوݨ دی لوڑھ تے زور ݙیندے ہوئیں آکھیے جو معاشی خوشحالی ملک اچ سیاسی استحکام نال جڑی اے ۔ ایوان صدر پریس ونگ توں ہفتے کوں جاری بیان موجب قائمقام صدر مملکت سید یوسف رضا گیلانی نال ملتان توں تعلق رکھݨ آلے ارکان پارلیمنٹ، ارکان صوبائی اسمبلی اتے ٻئے اہم سیاسی شخصیات ملاقات کیتی ۔ ایں موقع تے خطاب اچ انہاں آکھیے آندا بجٹ عوام دوست ہووݨا چاہیدے ، معاشی خوشحالی ملک اچ سیاسی استحکام نال جڑی اے ، معاشی استحکام دے بغیر عوام دی حالت چنڳی نی تھی سڳدی ۔ انہاں آکھیے قومی مسئلیں دے حل سانڳے سارے اسٹیک ہولڈرز کوں رلے گھن آوݨ دی لوڑھ اے ۔ وفاقی تے صوبائی حکومتاں دے نال رل تے ملتان اچ ترقیاتی منصوبیں کوں مکمل کریسوں ۔ قائمقام صدر عوامی خدمت کوں ترجیح ݙیوݨ دا عزم کریندے ہوئیں آکھیے جو جنوبی پنجاب اچ بے ??ظی?? انکم سپورٹ پروگرام توں وݙے پیمانے تے لوک فیدہ چیندے پئن مزید ودھاوݨ دی لوڑھ اے جنوبی پنجاب اچ تعلیم، صحت اتے ٹرانسپورٹیشن دیاں سہولتاں ݙیوݨ سانڳے وزیراعظم نال ڳالھ مہاڑ شروع تھی چکی اے۔
