اسلام آباد۔1مئی(اے پی پی)وفاقی وزیر اطلاعات مریم اورنگزیب آکھیے جو عمران خان دے حکم تے مسجد نبویﷺ واقعے دی منصوبہ بندی کیتی ڳئی، لوکاں کوں اشارہ کر تے اکسایا ڳئے، پی ٹی آئی چیئرمین وزیراعظم ہاؤس توں بم پروف گاݙی وی نال ڳھن ڳین، پہلی واری سعودی عرب نال اسٹریٹجک پارٹنرشپ کریندے پئے ہیں۔ اسلام آباد اچ پریس کانفرنس کریندے مریم اورنگزیب آکھیا جو پاکستان دے عوام کوں سچ ݙساوݨ ساݙی ذمہ داری اے، انہاں رانا ثناء اللہ دے خلاف کوئی کرپشن دا کیس نئیں ملیا، حکومت توں گئے صرف ݙھائی ہفتے تھین تے ہݨیں نال انہاں دیاں کیوں چیکاں نکلدیان پن، اے ملک کوں مہنگائی، لوڈ شیڈنگ اتے بے روزگاری ݙے تے ڳین۔ وزیراطلاعات آکھیے جو عمران خان کلہے وزیراعظم ہن جئیں توشہ خانہ دے تحفے ویچن، انہاں حساب ݙیوݨے ڄیڑھیاں ڈکلیئر کائنی، مخالفین دے خلاف 4 سال تئیں انتقامی کارروائی کیتی گئی، ایندا وی حساب ݙیوݨا ہوسی، انہاں کوں عوام پارلیمنٹ توں ٻاہرو کݙھیے، عمران خان دی پوری سیاست کور آلی اے، انہاں سارے اداریان کوں اپوزیشن دے خلاف استعمال کیتے بھل کوعی کرپشن نئیں ملی۔
