اسلام آباد – 11 جولاءِ (اي پي پي) پاڪستان مسلم ليگ (ن) جي اڳواڻ طلال چوڌري چيو آهي ته عمران خان ۽ شيخ رشيد 20 ڪروڙ عوام جي مينڊيٽ جي توهين ڪري رهيا آهن، نواز شريف کان استعيفيٰ گهرندڙن وٽ هڪ ئي رستو آهي ته اهي 20 ڪروڙ پاڪستانين جي سامهون وڃي پنهنجو موقف رکن، جيڪڏهن 20 ڪروڙ جي جي آءِ ٽي اسان کي ڏوهاري قرار ڏئي ڇڏيو ته اسان بنا ڪنهن پڇڻ جي گهر هليا وينداسين. اسلام آباد ۾ صحافين سان ڳالهائيندي هن چيو ته مخالف اسان تي عدليه جي توهين جو الزام هڻن ٿا جڏهن ته اهي پاڻ ادارن جي خلاف اڻوڻندڙ لفظ استعمال ڪن ٿا.
