راولپنڈی۔9مئی(اے پی پی) خاتون اول بیگم ثمینہ عارف علوی آکھیے تاجر برادری خصوصی لوکاں دی فلاح و بہبود کیتے اپݨا کردار ادا کرے، اجتماعی کوششاں دی بدولت چھاتی دے کینسر دے خلاف آگاہی اچ خاطر خواہ کامیابی ملی،کہیں وی ملک دی معاشی و اقتصادی ترقی اچ بزنس کمیونٹی کلیدی اہمیت رکھیندی اے بریسٹ کینسر دے حوالے نال ذرائع ابلاغ داکردار قابل ستائش اے۔اے ڳالھ انہاں منڳل کوں راولپنڈی چیمبر آف کامرس اینڈ انڈسٹری دے اہتمام نال تریمتاں اچ چھاتی دے کینسر دے خلاف منعقدہ آگاہی سیشن توں بطور مہمان خصوصی خطاب کریندے ہوئیں آکھی ۔ بیگم ثمینہ عارف علوی آکھیے تریمتاں اچ چھاتی دے کینسر توں آگاہی ݙیوݨ ویلھے دی اہم لوڑھ اے کیوں جو چھاتی دے کینسر دی وختی تشخیص اتے علاج نال ایں مہلک مرض توں بچیا ونڄ سڳدے ۔تریمتاں کوں چاہیدے جسم اچ کہیں وی غیر معمولی تبدیلی دی صورت اچ وختی ڈاکٹر نال رابطہ کرن ۔وومن امپاورمنٹ ھک خوش آئند عمل اے جیڑھا جو جاری رہݨا چاہیدے ۔ آگاہی توں بریسٹ کینسر کنوں بچݨ دے امکانات 90فی صد ہوندن۔
