اسلام آباد۔27اکتوبر (اے پی پی) وزیراعظم شہباز شریف آکھیا جو پاکستان دی عوام کشمیریاں دی منصفانہ جدوجہد اچ انہاں دے نال کھڑی اے، دنیا کوں بھارت دے غیر قانونی زیر تسلط جموں کشمیر اچ انسانی حقوق دی خلاف ورزیاں تے اکھیں بند نی کرݨٰ چاہیدی۔ خمیس کوں ہک ٹویٹ اچ وزیراعظم آکھیا جو 27 اکتوبر دا ݙینھ کالا ݙینھ دے طور منایا ویندے۔ 1947 اچ باھرت جموں تے کشمیر تے غیر قانونی، غیر اخلاقی اتے زبردستی قبضہ کیتا ہئی۔ اے ݙینھ کشمیریاں دی بے مثال حوصلے اتے جرات مندی دا منہ بولیندا ثبوت اے جو انہاں 75 سالیں اچ بھارتی قابض فوج دا ڈٹ تے مقابلہ کیتے۔ انہاں آکھیا جو اڄ پاکستانی عوام کشمیریاں کوں زبردست خراج تحسین پیش کریندی اے اتے انہاں دی منصفانہ جدوجہد اچ انہاں نال کھڑݨ دا عزم کریندی اے۔ دنیا کوں بھارت دے غیر قانونی زیر تسلط جموں کشمیر اچ انسانی حقوق دی خلاف ورزیاں تے اکھیں بند نی کرݨٰ چاہیدی۔
