راولپنڈی۔18جنوری(اے پی پی)چیئرمین جوائنٹ چیفس آف سٹاف کمیٹی جنرل ندیم رضا نال اومان دی رائل نیوی دے کمانڈر ایڈمرل سیف ناصر محسن الرحبی جوائنٹ سٹاف ہیڈ کوارٹرز راولپنڈی اچ ملین۔ انہاں علاقائی سکیورٹی اتے ٻئے امور تے ڳالھ مہاڑ کریندے ہوئے ݙوطرفہ فوجی مصروفیات دی سطح اتے مختلف شعبیاں اچ تعاون ودھاوݨ سانڳے الایا۔ چیئرمین جوائنٹ چیفس آف سٹاف کمیٹی ݙوطرفہ تعلقات تے اطمینان کریندے باہمی ڳانݙھا ودھاوݨ تے زور ݙیندے پاک اومان تعاون کوں خطے اچ پائیدار امن کیتے اہم قرار ݙتے۔ اومان رائل نیوی دے کمانڈر اومان دی مسلح افواج دی صلاحیت ودھاوݨ کیتے پاکستان دی مسلح افواج دے کردار دی تعریف کیتی۔
