گوادر۔12فروری(اے پی پی)وفاقی وزیر داخلہ رانا ثنا اللہ آکھیے جو ملکی و غیر ملکی شہریاں دا ہر صورت تحفظ کیتا ویسی، سیکورٹی اقدامات تے کوئی کوتاہی برداشت نا کیتی ویسی، چینی شہریاں کوں فُول پروف سکیورٹی ݙتی ونڄے۔ اے ڳالھ انہاں گوادر اچ انسداد دہشت گردی اتے غیر ملکی شہریاں دی سکیورٹی کیتے ہک اجلاس دی صدارت کریندے آکھی۔ اجلاس اچ سکیورٹی انتظامات تے تفصیلی بریفنگ ݙتی ڳعی۔ اجلاس اچ وفاقی سیکرٹری داخلہ یوسف نسیم کھوکھر، چیف سیکرٹری بلوچستان، آئی جی بلوچستان اتے سکیورٹی اداراں دے نمائنداں شرکت کیتی۔ وزیر داخلہ آکھیا جو سی پیک دے تحت سارے منصوبیاں دا ہک فیصد سکیورٹی کیتے رکھیا ڳئے، ایں قانون تے عملدرآمد یقینی ٻݨایا ونڄے، ترجیحی بنیاداں تے سکیورٹی اداراں اچ خالی آسامیاں پر کیتاں ونڄن، سکیورٹی اداراں دی بھرتی اچ مقامی لوکاں کوں ترجیح ݙتی ونڄے۔ وزیر داخلہ وزیر اعظم دی ہدایت تے سکیورٹی انتظامات دا جائزہ ڳھنݨ مختلف شہراں دے دورے تے ہین۔
