اسلام آباد۔17جون(اے پی پی) وفاقی وزیر داخلہ رانا ثنا اللہ خان آکھیے ناموس رسالت ہر مسلمان دے ایمان دا حصہ اے، سوشل میڈیا سودھے مختلف پلیٹ فارم تے لوکاں توہین رسالت دے قبیح فعل اچ مبتلا ہن، ناموس رسالت دے تحفظ کیتے اساں رل تے طریقہ کار طے کیتے، ناموس رسالت دے حوالے نال کمیٹی قائم کیتی ڳئی اے ، ڈاکٹر عافیہ ص??یق?? دے معاملے تے حکومت خط لکھسی، ٹی ایل پی دا ھک مطالبہ پٹرولیم قیمتاں گھٹاوݨ دا ہئی، پٹرولیم قیمتاں اچ کمی دا طریقہ کار ٹی ایل پی دے سامݨے رکھیے، حکومت اتے ٹی ایل پی دے درمیان معاملات طے پا ڳن او ہفتے کوں اتھاں ٹی ایل پی دے رہنماواں دے رلے پریس کانفرنس کریندے پئے ہن ۔ انہاں آکھیے حکومت دی ٹی ایل پی دے نال انہاں دے جیڑھے مطالبات ہن انہاں تے ڳالھ مہاڑ تھئی ۔ انہاں دے ٻارھاں مطالبات اچوں ݙاہ مطالبات ناموس رسالت دے حوالے نال ہن جو کیویں ناموس رسالت دا تے حضور نبی کریم دے عزت و احترام دا تحفظ کیتا ونڄ سڳے ۔ انہاں آکھیے ناموس رسالت ہر مسلمان دے ایمان دا حصہ اے تے ہر مسلمان ایں معاملے اچ ٻہوں جذباتی اتے حساس اے۔ انہاں آکھیے سوشل میڈیا سودھے ٻئے پلیٹ فارمز تے کجھ لوکاں توہین رسالت دے قبیح فعل اچ ملوث ہن جیں توں ناموس رسالتۖ دے حوالے نال مسلماناں دے جذبات مجروح تھیندن ، اساں ٻہہ تے طریقہ کار تے اقدامات طے کیتے ہن جو کیویں اساں تحفظ ناموس رسالتۖ کوں ممکن بݨا سڳدوں تے انہاں اقدامات دے چاوݨ نال ایجھے لوک جیڑھے گستاخاں شان رسول ہن انہاں کوں روکیا ونڄ سڳدے ، سزا ݙتی ونڄ سڳدی اے ، انہاں کوں انصاف دی کچ??ری اچ گھن آیا ونڄ سڳدے ایں تے تفصیل نال غور کیتا ڳئے ۔ وزیر داخلہ مزید آکھیے اساں اتفاق رائے نال ھک طریقہ کار تے پڄوں ، ایں حوالے نال ھک کمیٹی تشکیل ݙتی ڳئٰ ??ے جیں اچ حکومت دے قانون نافذ کرݨ آلے اداریں دے حکام وی ہوسن تے ٹی ایل پی دے زعما وی ہوسن جیڑھے انہاں چیزاں دا جائزہ گھن تے ممکن بݨیسن تے تحفظ ناموس رسالت ﷺ کوں یقینی بݨیسن۔ وزیر داخلہ آکھیے اللہ تعالیٰ اساکوں ایں نیک کم اچ کامیابی عطا فرماوے۔ انہاں آکھیے عافیہ ص??یق?? دا معاملہ قومی سطح تے ھک ایجھا ایشو بݨیا ہویا اے تے ہر پاکستانی دا ایں حوالے نال جذباتی لڳائو اے، ہر کوئی ݙکھی اے تے افسوس اے جو کیویں انہاں کوں ھک لمبے عرصے کیتے سزائے قید ݙتی ڳئی ، انہاں آکھیے گزریل ݙینھاں انہاں دی بھیݨ ڈاکٹر فوزیہ ص??یق?? انہاں دے نال مل??قات کیتی اے تے ایں مل??قات دا جیڑھا حال سامݨے آئے ، انہاں آکھیے یورپ تے او لوک جیڑھے انسانی حقوق دے اچے دعوے کریندن انہاں حقائق دے بعد انہاں کوں شرم آوݨی چاہیدی اے جو انہاں دے اے انسانی حقوق ہن جو انہاں دے ملک اچ ھک بے گناہ تریم?? کوں نہ صرف ایہو جی سزا ݙتی ڳئی بلکہ انہاں کوں ٻہوں اوکھے حالات اچ قید رکھیا ڳئے ۔ وزیر داخلہ آکھیے ڈاکٹر عافیہ ص??یق?? دے حوالے نال اتفاق رائے تھئے جو حکومت دی پہلے توں ج??ری سنجیدہ کوششاں اچ بہتری گھن آئی ویسی حکومت انہاں کوں چھڑاوݨ کیتے اپیل یا خط لکھسی ۔ ایں معاملے کوں پوری دنیا تے بالخصوص امریکہ دے سامݨے گھن آیا ویسی تے امریکی کانگریس دے نمائندگان کوں وی انسانی حقوق دی خلاف ورزیاں بارے ݙسایا وییسی جیڑھے پاکستان کوں دستخط کر تے خط بھڄیندن ۔
.jpg)
