اسلام آباد۔2مئی (اے پی پی) صدر مملکت ڈاکٹر عارف علوی کل جماعتی حریت کانفرنس دے کنوینر محمود احمد ساغر دا خط وزارت خارجہ کوں ٻھجیندیں ہوئیں وزارت خارجہ کوں سرینگر اچ جی 20 اجلاس پچھوں بھارتی عزائم بے نقاب کرݨ دی کوششاں تکھی کرݨ دی ہدایت کیتی اے۔ ایوان صدر دے پریس ونگ توں منگل کوں جاری بیان موجب صدر مملکت دے ناں خط اچ محمود احمد ساغر سرینگر اچ جی 20 ملکاں دے ممبراں دا اجلاس سݙݨ تے پاکستان دی فوری توجہ منڳی ہئی۔ حریت کانفرنس دے کنوینر اپݨے خط اچ آکھیا جو اے کم نئی دہلی دی کثیر الجہتی اتے کثیر المحاذ مہم دا حصہ اے ، بھارت تنازعہ جموں تے کشمیر بارے ابہام پیدا کرݨ چاہندے۔ انہاں آکھیا جو بھارت کشمیر دی بین الاقوامی اتے قانونی حیثیت کوں کمزور کرݨ چاہندے۔ حریت کانفرنس دے کنوینر آکھیا جو بھارت دنیا دی توجہ اصل مسئلے توں ہٹا تے زمینی حقائق لکاوݨ چاہندے۔ محمود احمد ساغر صدر مملکت دے ناں اپݨے خط اچ آکھیا جو اقوام متحدہ اتے ٻے علاقائی اتے بین الاقوامی فورمز تے پاکستان ولوں وݙی سفارتی کوششاں دی لوڑھ اے۔
">
