اسلام آباد۔15اپریل (اے پی پی) وزیر داخلہ شیخ رشید احمد آکھیا جو تحریک لبیک پاکستان دی جماعت کوں تحلیل کرݨ سانڳے سپریم کورٹ اچ ریفرنس دائر کرݨ دا فیصلہ، قومی اسمبلی اچ کوئی قرارداد کائنی ڳھدی امدی۔فرانس دے سارے شہری محفوظ ہن انہاں کوں کوئی خطرہ کائنی، قومی اسمبلی اچ کوئی قرارداد کائنی ڳھدی امدی، فیصلے عدالتاں اچ تھیسن، جیڑھا وی قانون ہتھ اچ گھنسی قانون آپ اوندے نال نبڑ گھنسی۔ ملک اچ افراتفری کھنڈاوݨ دا کوئی ایجنڈا کامیاب کائنا تھیسی۔ خمیس کوں وزارت داخلہ اچ وفاقی وزیر مذہبی امور پیر نورالحق قادری دے رلے پریس کانفرنس نال خطاب کریندیں ہوئیں شیخ رشید احمد آکھیا جو پولیس اتے رینجرز کورونا مریضاں کوں آکسیجن پجاوݨ اچ اہم کردار ادا کیتے، انہاں آکھیا جو سوائے یتیم خانہ دے باقی سارا پاکستان کھلا ہوئے۔ انہاں آکھیا جو تحریک لبیک پاکستان تے پابندی سانڳے مسودے تے کابینہ دے ارکان دے دستخط تھی ڳئن اتے جلدی نوٹیفیکیشن جاری کر ݙتا ویسی۔ انہاں آکھیا جو ٹی ایل پی کوں تحلیل کرݨ سانڳے آئین دے آرٹیکل 172 اتے 112 اتے الیکشن ایکٹ دی شق 217 دے تحت سپریم کورٹ اچ ریفرنس دائر کریسن۔
