اسلام آباد۔7فروری (اے پی پی):وزیرِ اعظم عمران خان دے ویژن دے مطابق معاشرے دے کمزور طبقے کوں گھراں دی تعمیر اچ مدد ݙیوݨ دے ضمن اچ حکومت کوں اہم کامیابی ملی اے ۔حکومت ولوں معروف تنظیم اخوت کوں ݙتے ڳئے پنج ارب روپے دی رقم دے ثمرات آوݨ شروع تھی ڳئن ، وزیراعظم آفس ولوں جاری بیان موجب ہݨ تئیں ساڈھے ست ہزار (7572)گھراں دی تعمیر کیتے3.35ارب روپے استعمال اچ ڳھن آئے ڳئن تے ہݨ تئیں ݙتی ڳئی رقم دی ریکوری دا تناسب سو فیصد رہیا ۔ واپس ملݨ آلی رقم کوں مزید خانداناں کوں ݙتا ویندا پئے جݙاں جو 2416 مزیددرخواستاں تے کم جاری اے ، مستفید تھیوݨ آلے خانداناں دی اکثریت ایجھے لوکاں تے مشتمل اے جنھاں دے مالی وسائل محدود ہن۔پروگرام توں فیدہ چاوݨ آلے خانداناں وزیرِ اعظم عمران خان دا شکریہ ادا کیتے۔
