اسلام آباد۔5مارچ (اے پی پی) وزیراعظم عمران خان نال ملاقات اچ ممتاز سیاسی شخصیت منیر احمد خان دا پاکستان تحریک انصاف اچ شمولیت دا اعلان کیتے۔ جڈانجو وزیراعظم آکھیا جو ملک اچ مہانگ اتے بے روزگاری سودھے سارے مسئلے پچھلی حکومتاں دی لٹ مار اتے کرپشن پاروں ہن، ہر طرح دی کرپشن مکاوݨ مشن اے ایں سانڳے کہیں قسم دی نرمی اتے سمجھوتہ کائنا کیتا ویسی۔ وزیراعظم میڈیا آفس توں جاری بیان دے مطابق وزیراعظم ہائوس اچ تھیوݨ آلی ملاقات اچ منیر احمد خان وزیراعظم دی قیادت تے پورا اعتماد کیتا ۔ایں موقع تے وفاقی وزیر اقتصادی امور خسرو بختیار وفاقی وزیر سائنس و ٹیکنالوجی فواد چوہدری وی موجود ہن۔
