اسلام آباد ۔ 8 اکتوبر (اے پی پی)وفاقی وزیر اطلاعات و نشریات فواد حسین چوہدری اپوزیشن ولوں پاک فوج دے خلاف بدزبانی دی مذمت کریندے ہوئیں آکھیے جڈاں وزیراعظم آہدن جو ڈاکواں اتے چوراں دا احتساب کریسن تاںانہاںدا کیوں ساہ سک ویندے؟ایوان بالا اچ الویندے ہوئیں وفاقی وزیر اطلاعات و نشریات آکھیے جو جہلم او علاقہ اے جتھاں ہر گھر اچ شہید اتے غازی موجود اے، پاک فوج دے لانس نائیک اتے صوبیدار کوں تنقید دا نشانہ بنڑاونڑ تے دل بہوں ڈکھی تھئے،سیف الرحمان کوں چیئرمین نیب لاونڑ آلیاں کوں شرم آونڑی چاہیدی اے،انہاں بے نظیر بھٹو شہید اتے بنھاں مخالفین نال جو کجھ کیتے او ساکوں ڈسیسن جو اے انتقامی کارروائی اے،شہبازشریف تے کیس انہاں دی آپنڑی حکومت اچ بنڑیے ، ہنڑاے جانڑن تے نیب جانڑے۔انہاں آکھیے جو وزیراعظم عمران خان اپوزیشن بارے گالھ نئیں کیتی،انہاں تاں آکھیے جو چوراں اتے ڈاکوان دا احتساب کرو،جڈاں وزیراعظم آہدن جو ڈاکواں اتے چوراں دا احتساب کریسن تاںانہاںدا کیوں ساہ سک ویندے؟۔
