اسلام آباد۔29فروری (اے پی پی) 16 ویں قومی اسمبلی دا اجلاس، نومنتخب ارکان رکنیت دا حلف چا ڳھدے۔ خمیس کوں قومی اسمبلی دے پہلے اجلاس اچ سپیکر قومی اسمبلی راجہ پرویز اشرف نومنتخب ارکان توں حلف ڳھدا جئیں دے بعد انہاں رول آف ممبرز تے دستخط کیتے۔ حلف چاوݨ آلے اہم رہنماواں اچ میاں محمد نواز شریف،محمد شہباز شریف،آصف علی زرداری،بلاول بھٹو زرداری،مولانا فضل الرحمان ،سردار اختر مینگل،محمود خان اچکزئی، بیرسٹرگوہر علی خان،عمر ایوب خان، طارق بشیر چیمہ،چوہدری سالک حسین،خالد مگسی،خواجہ محمد آصف،سردار ایاز صادق، سید خورشید احمد شاہ، عامر ڈوگر،ریاض پیرزادہ اتے ٻئے شامل ہن۔
