اسلام آباد۔20جنوری (اے پی پی) نگراں وفاقی وزیر مذہبی امور انیق احمد آکھیا جو معاشرے کوں رہݨ دے لائق ٻݨاوݨ کیتے درگزر توں کم ڳھݨا چاہیدے، وزارت مذہبی امور سارے مذاہب دے منݨݨ آلیاں دی وزارت اے۔ وزارت مذہبی امور توں جاری پریس ریلیز موجب اے ڳالھ انہاں چھݨ چھݨ کوں سینٹ پیٹرکس کیتھڈرل چرچ کراچی اچ آپݨی صدارت اچ بین المذاہب ہم آہنگی کانفرنس توں خطاب کریندیں ہوئیں آکھی۔ کانفرنس نال کارڈینئل جوزف کوٹس، مفتی نعمان نعیم، بشپ بینی ٹریوس، پروفیسر منوج چوہان، بشپ فیڈرک جان، حافظ محمد سلفی، فرشید روحانی، مفتی نذیر احمد خان، ڈاکٹر تشنا پٹیل اتے سردار رمیش سنگھ موضوع بارے ڳالھ کیتی۔ وزیر مذہبی امور انیق احمد آکھیا جو اڄ دین سکھݨ اساݙی ترجیحات اچ کائنی، مسلمان دی حیثیت نال دین دے سنیھے کوں اڳوں ودھاوݨ اساݙی ذمہ واری اے۔ معاشرے کوں رہݨ دے لائق ٻݨاوݨ کیتے درگزر توں کم ڳھݨا چاہیدے، وزارت مذہبی امور سارے مذاہب دے منݨݨ آلیاں دی وزارت اے۔
