اسلام آباد-24 آگسٽ(اي پي پي) صدر مملڪت آصف علي زرداري پشين جي پوليس لائنز واري علائقي ۾ ڌماڪي جي شديد لفظن ۾ مذمت ڪندي معصوم ٻارڙن جي شهادت تي گهري ڏک ۽ افسوس جو اظهار ڪيو آهي، ايوان صدر پريس ونگ پاران جاري ڪيل بيان موجب صدر مملڪت آصف علي زرداري شهيد ٻارڙن جي ڪٽنبن سان تعزيت جو اظهار ڪندي ملڪ ۾ دهشتگردن خلاف ڪارروائيون جاري رکڻ جي عزم جو اظهار ڪيو. هن چيو ته ذميوارن کي قانون موجب سخت سزا ڏني ويندي، صدر مملڪت شهيد ٻارن جي بلند درجن ۽ متاثر ڪٽنبن جي صبر ۽ تحمل لاءِ ڌڻي در دعا گهري.
