اسلام آباد۔11ستمبر (اے پی پی) سفیر آمنہ بلوچ پاکستان دی 33ویں سیکرٹری خارجہ ٻݨ ڳئن۔ دفترخارجہ توں بدھ کوں جاری بیان موجب تجربہ کار سفارت کار آمنہ بلوچ اسلام آباد اتے ٻاہرلے ملک پاکستانی مشنز اچ کئی اہم ذمہ واریاں نبھائن۔ انہاں 2014 توں 2017تئیں چینگڈو چین اچ پاکستان دی قونصل جنرل دے طور خدمات ݙتن۔ او 2019 توں 2023 تئیں ملائیشیا اچ پاکستان دی ہائی کمشنر دے طور فرائض نبھیندی رہن۔ انہاں 2023 اتے 2024 اچ یورپی یونین، بیلجیم اتے لکسمبرگ اچ سفیر دی حیثیت نال وی ذمہ واریاں نبھائن۔
