اسلام آباد ۔ 07 ستمبر (اے پی پی) وزیر خزانہ سینیٹر اسحاق ڈار چیئرمین پاکستان تحریک انصاف عمران خان دے ایف بی آر دے چیئرمین دے خلاف سنگین الزامات لاونڑ تے آپنڑیں سخت ردعمل دا اظہار کیتے ۔ بدھ کوں وزارت خزانہ توں جاری کیتے گئے ہک بیان دے مطابق انہاں آکھیا جو عمران خان دے الزام کوڑ ہن کیونجو انہاںآپ دے بیانات کوں ثابت کرنڑ کیتے کوئی ثبوت کائنی ڈتے ۔ اسحاق ڈار آکھیا جو چیئرمین ایف بی آر محنتی، ایماندار اتے دیانتدار بندے ہن جڈانجو اے بدقسمتی دی گالھ ہے جو عمران خان کہیں ثبوت دے بغیر ملک کیتے نمایاں محصولات جمع کرنڑآلے افسر دے تشخص کوں نقصان پجاونڑ دی کوشش کیتی ہے ۔ انہاں آکھیا جو پاکستان مسلم لیگ (ن) دی حکومت دے گزریل ترائے سالیں اچ محصولات وصولی اچ 60 فیصد ودھارا تھئے جیویں جو 2012-13ء اچ شرح نمو 3.38 فیصد ہئی ۔ وفاقی وزیر دا بیا آکھنڑ ہئی جو ایں طرح دے کوڑے بیانات اتے الزام نال صرف ایف بی آردے ملازماں اتے فعال اداریاں دا حوصلہ پست کیتا ونج سگدے ۔
.jpg)
