لاہور۔9فروری(اے پی پی) وفاقی وزیر اطلاعات و نشریات عطا اللہ تارڑ آکھیے مسلم لیگ (ن)دے قائدین وکارکنان جمہوریت دے استحکام سانڳے لازوال قربانیاں ݙتن، پراݨے کارکن پارٹی دا اثاثہ ہن، ورکراں دے مسئلیں دا حض ساݙی اولین ترجیح اے، پارٹی دے فوت شدگان ورکرز کوں بُھلایا نی ونڄ سڳدا ،ماضی دی حکومت اچ (ن) لیگی قیادت قیدو بند دیاں صعوبتاں برداشت کیتیاں ۔اے ڳالھ انہاں مسلم لیگ (ن )دے فوت شدگان کارکنان سانڳے دعائیہ تقریب دے م??قع تے میڈیا نال ڳالھ مہاڑ کریندے آکھی ۔ ایں موقع تے سینیٹر پرویز رشید، سابق وفاقی وزیرخواجہ سعد رفیق، صوبائی وزیر صحت خواجہ سلمان رفیق،رکن قومی اسمبلی کرن ڈار، رکن پنجاب اسمبلی میاں عمران جاوید ، صدر مسلم لیگ (ن)لاہور ملک سیف الملوک کھوکھر، ایڈیشنل جنرل سیکرٹری لاہور سید توصیف شاہ ،چیئرمین واسا چوہدری شہباز ،سابق ایم پی اے ماجد ظہور، سابق ایم این اے مہر اشتیاق اتے سید حشمت شاہ مہر اشتیاق سودھے ن لیگ ??ے ارکان قومی و صوبائی اسمبلی تے کارکنان دی وݙی تعداد موجود ہئی ۔ وفاقی وزیر اطلاعات عطا اللہ تارڑ آکھیے مسلم لیگ (ن)دے قائدین وکارکناں جمہوریت دے استحکام سانڳے لازوال قربانیاں ݙتن، جنہاں کوں بھلایا نی ونڄ سڳدا ، ماضی دی ھک نااہل دی حکومت اچ مسلم لیگ (ن) اوکھا دور ݙٹھے ،عدالتاں، کچہریاں اتے تھاݨے اچ پارٹی قائدین و کارکنان موجود رہندے ہن ?? جے ایں اوکھے ویلھے اچ پارٹی کارکنان آواز نہ چیندے تاں خزاں دے بعد بہار نہ آندی۔ انہاں آکھیے محمد نواز شریف، شہبازشریف اتے حمزہ شہباز دی گرفتاری ساریں دے سامݨے ہے ، ساݙے لیڈران کوں جݙاں پیش کیتا ویندا تاں لائوڈ سپیکراں تے ہوٹر وجائے ویندے تاں جو میڈیا نال کوئی ڳالھ نہ کرگھنے تے آپݨی بے گناہی دا عوام دے سامݨے اظہار نہ کرسڳے تے انہاں کوں ݙساسڳ?? جو جیڑھا کجھ سلوک انہاں نال کیتا ویندا پئے او پی ٹی آ ئی حکومت دی سازش اے ۔ پارٹی قائد محمد نواز شریف اتے انہاں دے پورے خاندان جیڑھیاں سختیاں جھلئن تے ݙکھ برداشت کیتن او ناقابل بیان ہن،اے ایجھی قربانی اے جیں دی ہمیشہ خلش رہسی ، والد دی اکھیں دے سامݨے دھی کوں ہتھکڑی لاوݨ تے پیو کوں پتر توں تنخواہ نہ گھنݨ تے اقتدار توں انڄ کرݨ قابل افسوس واقعات ہن ۔وزیر اطلاعات آکھیے اے دنیا مکافات عمل اے ،او لوک جیڑھے ݙوجھیں کوں چور ݙاکو اکھیندے ہن ??نہاں تے کوڑے م??دمے بݨائے اڄ او خود چوری تے کرپشن دے م??دمیں اچ جیلاں اچ بند ہن۔عطا اللہ تارڑ آکھیے قائد محمد نواز شریف دی ذال کلثوم نواز دی جݙاں وفات تھئی تاں میکوں یاد ا?? جو کیویں جیل اچ اطلاع ݙیوݨ ڳئے ہن، او ویلھا یاد رہسی آخری لمحات اچ کلثوم نواز نال محمد نواز شریف دا ویلھا گزر ویندا ۔ انہاں آکھیے اڄ جیڑھا کجھ وی ہاں کارکنان دی وجہ توں ہاں،جیڑھے کارکنان دنیا توں چلے ڳن ، انہاں کوں خراج عقیدت پیش کریندوں ، ݙکھے ویلھے پارٹی دے فوت شد گان کارکنان دے گھرآلیں نال کھڑوں ،پارٹی سانڳے انہاں دی خدمات ہمیشہ یاد رکھیاں ویں پارٹی کارکنان سانڳے ایجھا کارڈ جاری تھیوݨا چاہیدے جیں اچ پتہ ہوو?? جو کیڑھا ورکر کئیں ویلھے آیا ، اوکھے دور اچ پارٹی سانڳے قربانیاں ݙیوݨ تے رلے کھڑے رہݨ ورکرز دا ناں مجاد دور رکھیا ونڄݨا چاہیدے ، مسلم لیگ( ن)دے کارکنان پارٹی دا اثاثہ ہن ??تے انہاں دے مسئلے دا حل ساݙی اولین ترجیح اے ، کارکنان پارٹی دی او مضبوط طاقت ہوندن جیڑھے پارٹی تے اوکھا ویلھا آؤݨ تے مخالفین دے سامݨے سیسہ پلائی دیوار وانڳوں کھڑے تھی ویندن ۔وفاقی وزیر آکھیے چاہنداں کارکنان دی آرگنائزنگ کمیٹی بݨائی ونڄے تے کارکن ہی ایں دا سربراہ ہووے،آرگنائزنگ کمیٹی مسئلیں دے حل سانڳے قابل عمل تجویزاں گھن تے آوے ، ایں آرگنائزنگ کمیٹی اچ کوئی ایم این اے، ایم پی اے اتے عہدیدار نہ ہووے ایں اچ صرف کارکنان شامل ہوون، آرگنائزنگ کمیٹی دی تجویز تے عمل درآمد کریسوں ۔ عطا اللہ تارڑ آکھیے فوت تھیوݨ آلے کارکنان دی پارٹی سانڳے بے مثال خدمات کوں خراج عقیدت پیش کریندوں ،چوہدری عتیق اتے گڈو شاہ دنیا توں چلے ڳئن ، انہاں ݙینھ رات پارٹی کوں تکڑا کرݨ سانڳے خدمت سر انجام ݙتیاں،انہاں دیاں قربانیاں کوں بھلایا نی ونڄ سڳدا ، گڈو (ن)لیگ ??ے پراݨے کارکن ہن ??نہاں پارٹی سانڳے بے مثال قربانیاں ݙتیاں،کارکنان نہ ہوون تاں کوئی ایم پی اے یا کوئی وزیر کائنی ،ایجھے کارکنان جیڑھے خون پسینہ پارٹی کوں ݙیندن انہاں دے اہلخانہ دی مالی مدد ہووݨی چاہیدی اے۔ محمد نوازشریف ، محمد شہبازشریف، مریم نواز سودھے ساری قیادت جیل ڳئی، کوڑے کیس اچ قیادت جیل اچ ہئی تے او آپݨے پیاریں دے جنازیں اچ شرکت نہ کر سڳیے ،خاندان وانڳوں پارٹی جڑی رہی نہ ہی ونڄݨ آلے واپس آسڳدن ،دل اچ ݙکھ رہسی چھیکڑی ویلھے محمد نوازشریف، مریم نواز تے والدہ نال محمد شہبازشریف دا ویلھا گزر ویندا ،منینداں جیڑھا کجھ وی ہاں کارکنان دے سر تے ہاں۔
