اسلام ??با??۔30اپریل(اے پی پی)وزیر اعظم محمد شہباز شری?? بھارت دے ودھدے اشتعال انگیز رویے کوں مایوس کن تے تشویشناک قرار ݙیندے امریکا تے زور ݙتے جو او بھارت تے دبائو پاوے جو او اشتعال انگیز بیانات توں گریز کرے اتے ذمہ داری ݙکھاوے، سندھ طاس معاہدے توں یکطرفہ دستبرداری دی کوئی شق کائنی، جموں و کشمیر تنازعہ دا پرامن حل ہی جنوبی ایشیا اچ پائیدار امن دا ہکو رستہ اے۔ اے ڳالھ انہاں امریکی وزیر خارجہ مارکو روبیو نال ٹیلی فونک رابطے اچ کیتی۔ وزیراعظم امریکی صدر ??ون??ڈ ٹرمپ کیتے نیک خواہشات پچائن اتے پاکستان ولوں باہمی دلچسپی دے شعبیاں اچ امریکی انتظامیہ نال رل تے کم کرݨ دا ݙسائے۔ انہاں امریکی وزیر خارجہ مارکو روبیو کوں پہلگام واقعہ دے بعد جنوبی ایشیاء اچ پیش رفت اتے پاکستان دا موقف ݙسائے۔ وزیر اعظم پہلگام واقعے نال پاکستان کوں جوڑݨ دی بھارتی کوششاں کوں مسترد کریندے حقائق سامݨے ڳھن آوݨ کیتے شفاف، قابل اعتماد تے غیر جانبدارانہ تحقیقات دا مطالبہ دوہرائے۔
