لاہور۔19ستمبر (اے پی پی):وزیراعظم دے معاون خصوصی عطا تارڑ آکھیے جو سیلاب زدگان دی بحالی کیتے پنجاب اتے خیبر پختونخوا اچ حکومت رکھݨ آلی جماعت کتھائیں نظر نی آندی پئی ، ݙوجھے پاسوں پنجاب اچ اٹے تے دوائیں دی قلت تھی ڳئی اے ، سنوار کوں سیشن عدالت اچ پیشی دے موقع تے میڈیا نال ڳالھ کریندے ہوئیں انہاں آکھیے جو پنجاب حکومت مکمل طور تے ناکام تھی چکی اے ،صوبائی حکومت ڈھاوݨ کیتے اساں کنے ٻہوں سارے آپشنز ہن، میݙا نی خیال جو وزیراعلی چوہدری پرویز الہی اعتماد دا ووٹ حاصل کرسڳسن۔انہاں آکھیے ملک اچ قدرتی آفتاں پاروں کروڑاں لوک بے گھر تھی ڳئن ، وفاقی حکومت سیلاب متاثرین دی بحالی کیتے کم کریندی پئی اے پی ٹی آئی جلسے جلوس کریندی پئی اے ۔وزیراعظم دے معاون خصوصی آکھیے جو 18 ویں ترمیم دے بعد اٹے دے بحران دی ذمہ واری وفاقی حکومت تے نہ پاتی ونجے ، پنجاب حکومت مکمل طور تے ناکام تھی چکی اے ۔
