سمر قند۔16ستمبر(اے پی پی)وزیر اعظم شہباز شریف شنگھائی تعاون تنظیم کولو چھل نال نٻݨݨ سانڳے پاکستان دا ہتھ ونݙاوݨ دی اپیل کریندے آکھیے جو دہشت گردی مکاوݨ، ماحولیاتی تبدیلیاں نال نٻݨݨ اتے افغانستان اچ استحکام سانڳے مدد دی لوڑھ اے، پاکستان ایس سی او دے مقاصد سانڳے اپݨا پورا کردار ادا کریسی۔ اے ڳالھ انہاں شنگھائی تعاون تنظیم دے سربراہی اجلاس نال خطاب آکھی جو افغانستان اتے پاکستان ہمسایہ ملک ہین، افغانستان اچ امن پاکستان کیتے ضروری اے، افغانستان کؤں ہک پاسے نئیں سٹیا ونڄ سڳدا، عالمی برادری افغانستان دی مدد اتے ملک اچ معاشی و سیاسی استحکام کیتے اڳو آوے۔ وزیراعظم آکھیا جو اساں دہشتگردی دے خلاف جنگ اچ وݙیاں قربانیاں ݙتن، شنگھائی تعاون تنظیم دے پلیٹ فارم توں رل تے دہشت گردی نال نمٹݨا ہوسی۔ انہاں تنظیم کوں پاکستان اچ چھل اتے ایندے بعد دی صورتحال دا ݙسایا اتے مدد منڳی، اے تباہی اتنی وݙی اے جو ایندے نال کوئی وی ساݙے ڄھیاں ترقی پذیر ملک کلہا نئیں نمٹ سڳدا، عالمی برادری اتے ایس سی او ملک ساݙا ہتھ ونݙاون جو پورا ملک پاݨی نال ٻݙیا پئے اتے کروڑاں لوک ماثر تھین جیندا ارباں ڈالر دا نقصان تھیا پئے۔
