اسلام آباد ۔ 26 جنوری(اے پی پی)قومی محکمہ موسمیات دے مطابق بارشاں اتے برف باری دا موجودہ سلسلہ وقفے وقفے نال مارچ دے ادھ تئیں جاری رہنڑ دا امکان ہے ۔ محکمہ موسمیات دے مطابق موجود ہ بارشاں دے بعد ٹھڈیاں ہوائیں دا نواں سلسلہ ترائے فروری توں 6فروری تئیں شروع تھیونڑ دا امکان ہے ۔ انہاں ڈسایا جواجوکے سال دے شروع تھیونڑ دے بعد بارشاں دے ترائے سسٹم ڈاخلیں دے بعد گزر چکیے ہن ۔ موسمیاتی تغیری نظام لانینا اتے ڈی پول دے وجہ توںادھ مارچ تئیں ترائے توں چال سلسلیں دا سامنڑاں کرنڑاں پئے سگدا ہے ۔ مجموعی طور تے ودھ مارچ تئیں پاکستان سمیت پورے جنوب ایشیااچ بارش اتے سردی دا سلسلہ جار ی رہنڑ دا امکان ہے ۔ محکمہ موسمیات آکھای ہے جو او آمدہ ویک اینڈ (کل اتے پرسوں) دے دوران ملک دے ودھ سارے حصیں اچ موسم ٹھڈا تے رکھا رہنڑ دا امکان ہے ۔
