اسلام آباد۔7اگست (اے ??ی پی) وفاقی وزیر برائے قومی صحت سید مصطفیٰ کمال آکھیا اے جو اساݙے قومی صحت دے اہداف معاشی ترقی اتے تریمتاں تے دھیاں دے بااختیار تھیوݨ اچ براہ راست کردار ادا کریندن۔ ??ے ہر ٻال کوں زندہ رہݨ، ودھݨ اتے ترقی کرݨ دے ہکو سویں موقع ݙیندن، کم کرݨ آلی ماواں کوں دفتراں اچ بریسٹ فیڈنگ دی سہولت، وقفے اتے لچکدار اوقات ملݨے چاہیدن۔ ??ے ڳالھیں انہاں عالمی ہفتہ برائے بریسٹ فیڈنگ دے موقع تے جاری اہم سنیھے اچ کیتا۔ انہاں آکھیا جو میں پورے ملک اچ بریسٹ فیڈنگ دے ودھارے، تحفظ اتے حمایت دے عزم دا اعادہ کرینداں، ماں دا کھیر صرف خوراک نئیں اے ہک مکمل تحفظ، ذہنی نشوونما اے۔ انہاں آکھیا جو “پاکستان اچ صرف 48 فیصد ٻالاں کوں پہلے چی مہینے اچ مکمل طور تے ماں دا کھیر ݙتا ویندے، عالمی ہدف 60 فیصد اے، اگ??چہ ویلھے تے کھیر پلاوݨ اتے تسلسل نال جاری رکھݨ اچ کجھ بہتری آئی اے، ہݨ وی اساکوں بہوں سارا کم کرݨے تاں جو ہر ماں اتے ٻال تئیں ضروری مدد پڄائی ونڄ سڳے۔ انہاں آکھیا جو حکومت مؤثر پالیسیاں، صحت دے مضبوط نظام اتے کمیونٹی شمولیت توں ماں اتے ٻال کوں مدد فراہم کریسی۔ انہاں آکھیا جو “پالیسی ساز، صحت دے ماہرین، میڈیا، سول سوسائٹی ساریاں کوں ایں اچ کردار ادا کرݨا پوسی، اساکوں ہر ماں کیتے ہک سازگار ماحول بݨاوݨا پوسی جتھ او بغیر کہیں بدنامی، غلط معلومات اتے رکاوٹاں دے آپݨے ٻال کوں کھیر پلا سڳے۔
.jpg)
