لاہور۔ 25 مئی (اے پی پی) چیئرمین سینیٹ سید یوسف رضا گیلانی آکھیے افواج پاکستان دی بہادری اَتے جرات دی پوری دنیا معترف اے، مسلح افواج بھارتی جارحیت دا مُنہ بھن جواب ݙتا، پاک بھارت جنگ دے دوران پاکستانی قوم اَتے سیاسی جماعتاں مثالی اتحاد دا مظاہرہ کیتے، پوری دنیا پاکستان دی حکمت عملی اَتے ضبط و تحمل دی تعریف کریندی پئی اے ، بجٹ وچ عام آدمی کوں ودھ توں ودھ ریلیف ݙتا ونڄݨا چاہیدے۔ انہاں اے ڳالھ اتھاں ایکسپو سنٹر وچ انٹرنیشنل سولر انرجی میٹ نمائش دے دورے تے میڈیا نال ڳالھ مہاڑ کریندے آکھی ۔ ایں موقع تے لاہور چیمبر آف کامرس اینڈ انڈسٹری دے صدر میاں ابوذر شاد وی موجود ہن۔ سید یوسف رضا گیلانی آکھیے اساں پوری پاکستانی قوم، اوورسیز پاکستانی، صدر مملکت آصف علی زرداری، وزیراعظم محمد شہباز شریف، سپہ سالار اَتے ساریاں سیاسی جماعتاں کوں مبارخ ݙیندوں جنہاں ہک پلیٹ فارم تے کٹھے تھی تے مثالی اتحاد دا مظاہرہ کر تے بھارت دے خلاف جنگ جتی اے۔ انہاں آکھیے ایٹمی قوت ہووݨ دے باوجود پاکستان جنگ دے دوران تحمل اَتے بردباری دا مظاہرہ کیتا اَتے بھارتی جارحیت دے خلاف ایہو جیہی سٹریٹیجی بݨائی جو پوری دنیا وچ پاکستان دی بہتر حکمت عملی اَتے ضبط و تحمل دی تعریف کیتی ویندی پئی اے ، جئیں دا سارا کریڈٹ حکومت، مسلح افواج دے سربراہ اَتے ساریاں سیاسی پارٹیاں کوں ویندے۔ سید یوسف رضا گیلانی آکھیے پاکستان ہک امن پسند ملک اَتے ایں خطے وچ امن دی فضا کوں برقرار رکھݨ کیتے ہمیشہ ہر مسئلے دے حل کیتے مذاکرات دا رستہ اختیار کیتے، کݙاہیں ایہو جیھا کوئی قدم نی چاتا جو ایں خطے دی عوام دی بربادی دا سبب بݨے۔ بلوچستان وچ دہشت گردی دے حوالے نال ہک سوال دے جواب وچ چیئرمین سینیٹ آکھیے بطور وزیراعظم میں واضح کیتا ہئی بلوچستان وچ دہشت گردی اَتے صوبے وچ بد امنی کھنڈاوݨ وچ بھارت دا ہتھ اے، ایں حوالے نال بالی وڈ وچ ڈاکٹر من موہن سنگھ تے ”ایکسیڈنٹل پرائم منسٹر” دے ناں نال ہک فلم وی بݨی ہائی جئیں توں بعد بھارت مسئلہ سیاچن، کشمیر اَتے بلوچستان دے اندرلے معاملات تے ڳالھ مہاڑ کرݨ کیتے تیار تھی ڳیا ہئی۔ ہک ٻئے سوال دے جواب وچ انہاں آکھیے بھارت پہلگام وچ دہشت گردی دا کوڑا الزام لاتا، پاکستان واقعے دی نیوٹرل تحقیقات دا مطالبہ کیتا جئیں تے بھارت بالکل تیار کائناں ہئی، اُلٹا ایں پاکستان دے دریاواں دا پاݨی بند کرݨ اَتے سندھ طاس معاہدے کوں یکطرفہ طور تے معطل کر ݙتا ج?? عالمی قوانین دی خلاف ورزی اَتے واٹر وار ہائی لیکن پاکستان دی قیادت اَتے مسلح افواج بھارت کوں ناک نا چݨے چٻوا تے ثابت کیتا جو پاک فوج دنیا دی باصلاحیت فوج اے، ایں دنیا کوں اے پیغام ݙتا جو پاکستان جنگ وچ پہل نی کیتی بلکہ اپݨے دفاع وچ بھارتی جارحیت دا مُنہ بھن جواب ݙتے ۔ پی ٹی آئی معاملات دے حوالے نال انہاں آکھیے ایں ویلھے پوری قوم ک??ں متحد کرݨ دی لوڑھ اے ج??تھ??ں تئیں پی ٹی آئی دے بیانیے دا تعلق اے او جو آکھدن انہاں کوں آکھݨ ݙیو، انہاں دے کیسز عدالتاں وچ زیر سماعت ہن، عدالتاں جو وی انہاں بارے فیصلہ کریسن او ساریں کوں قبول ہوسی۔ بجٹ وچ عوامی ریلیف دے حوالے نال سوال دے جواب وچ انہاں آکھیے میں ہک عوامی نمائندہ ہاں اَتے میݙے ٻال وی منتخب رکن ہن، لہذا میݙی حکومت توں گزارش اے جو آوݨ آلے بجٹ وچ عوام ک??ں ودھ توں ودھ ریلیف ݙیون۔ ہک ٻئے سوال دے جواب وچ سید یوسف رضا گیلانی آکھیے ج??تھ??ں تئیں توانائی دے شعبے دی ڳالھ اے اساں سستی توانائی ݙیوݨ تے توجہ ݙیوݨی ہوسی، جے آندے بجٹ وچ سبسڈی گھٹ کرݨ دی ڳالھ تھیندی پئی اے تاں ایں دا متبادل ہووݨا چاہیدے۔
.jpg)
